Петар Печков
Објавено: среда, 22 февруари 2017
Болестите на циркулаторниот систем се најчести заболувања кај велешани. Ова го покажува статистиката на Центарот за Јавно здравје Велес. Според податоците за 2014-та и 2015-та, за 2016- та се уште се обработуваат, болестите на крвта, крвотворните органи и пореметувања на имунитетот се на прво место кај најбројната популација од 20 години па нагоре.
Така кај оваа популација во 2015-та имало 1.538 заболени лица или тоа е морбидитет од 36 на илјада жители. Во 2014-та има нешто повисок број од 1.725 заболени или 40 на илјада жители. Сосема различна е сликата кај помладата популација училишната и кај децата. Таму на прво место се болести на респираторните органи.
Така за возрасната група до шест години во 2015-та има заболени 709 деца што е морбидитет 177 на илјада деца а година дена претходно имало 742 заболени деца од циркулаторниот систем што е 183 заболени на илјада деца, секако бројка што не е за занемарување.
Кај возрасната група од 7 до 19 години има исто така регистрирано заболувања на болести на крвта, крвотворните органи и пореметувања на имунитетот. Во 2015-та имало 204 деца од школска возраст или 25 на илјада а година дена претходно имало 216 заболени или 29 на илјада школски деца. Во овие две категории циркулаторните болести се при дното, односно 15-то и 19-то место.
Да нема забуни според методологијата на Меѓународната класификација на болестите, се водат ,,Болести на крвта, на крвотворните органи и пореметувања на имунитетот,,. Податоците се однесуваат на територија на општина Велес, без соседните Лозово, Чашка и Градско.
И за крај на овој текст во 2015-та секој велешанец според статистиката на Центарот за јавно здравје во просек 9,3 пати бил на доктор.
