Градоначалниците на Градско, Лозово и Чашка добија уверенија, избрани претседателите на Советот во Лозово и Чашка

Петар Печков

Градоначалниците на Општините – Лозово, Градско и Чашка ги добија уверенијата и седнаа на нивните нови работни  места, за наредните четири години.  Роберт Бешовски во Градско, Аце Василковси во Лозово и Горан Стојановски во Чашка, сите од СДСМ  ќе ги раководат соседните општини. 

Нов претседател на Советот на Општина Чашка, е Фемих Бејлуов од Горно Јаболчишта, кој работи како  наставник. Тој е дел од коалицијата на партиите  на  Албанците ,,Беса,, и Алијансата за Албанците,, која освои две советнички места.  Неа ја поддржале 4 советника  од СДСМ,  2 од ВМРО-ДПМНЕ, 2 од коалицијата Беса и    Алијансата, додека еден советник од ВМРО-ДПМНЕ при гласањето бил воздржан а двата советника од ДУИ  гласале против. Ваквиот развој  на настанети ги разлути гласачите на  ДУИ, вели претседателот на Општинскиот Комитет за Чашка и досегашен претседавач во два мандати Рамадан Амзов.  

Ова е непринципиелна коалиција. Иако ние како партија го  поддржавме кандидатот за градоначалник на СДСМ, наспроти договорот помеѓу Оливер Спасовски и Изет Меџети, за претседавач на Советот е избран кандидат на партијата Беса – вели Амзов.    

 Во Општина Лозово пак за претседател  на Советот е  избран  Душан  Георгиевски од СДСМ, иако мнозинството на советници  четири го доби ВМРО-ДПМНЕ.  Георгиевски беше поддржан од  3 советници на СДСМ и по еден на Народното движење за Македонија и   Движењето за национално единство на Турците.  Деновиве мнозинството советници има уште еден повеќе, откако   студентот Влатко Стојановски од ВМРО-ДПМНЕ премина во партијата на ,,зелените,, ДОМ.

 Во општина Градско Советот сеуште не е  конституиран. 

loading...

Поврзани »

loading...
Macedonian butterfly

Македонска пеперутка (Филигран од хартија) Уникатна врамена слика со македонски мотив. http://anicasoleva.com/Handmade/Product/macedonian-butterfly-paper-filigree-framed-picture

Posted by Anica Soleva - Уникатни подароци од хартија on Sunday, January 8, 2017

Дежурство на аптеките (НОЕМВРИ)

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com