Државната изборна комисија на нива веб страница ги објави податоците за неделните локални избори, по сите пребројани 84 избирачки места. Ова се официјални но не и конечни  резултати, оти учесниците во изборите имаат право на жалба.

На изборите во Општина Велес на 84 избирачки места гласале  52,28 % или во бројки 23.992, од запишани 45.892 гласачи.  Вкупен број на неважечки гласачки ливчиња е 969.

За Општина Велес победи Марко Колев, кандидат за градоначалник на ВМРО-ДПМНЕ со 51,6% добиени гласови од излезените - во бројки 12.380 гласачи, пред Ненад Коциќ од СДСМ со 32,46% или 7.789 гласови, трет е Златко Арсов од Левица со 9,64% -2.314  и Семир Алимов од Бошњачка Демократска странка со 2,1 (505) освоени гласови.

Идниот Совет на Општина Велес кој бори 23 члена, според неофицијалните распределби на местата е во следен состав: ВМРО-ДПМНЕ со 11 места, СДСМ со осум, Левица со три и ДУИ со едно место. Ваквата распределба на советнички места е потврдена од ДУИ и Левица.

На изборите гласале  52,22 % од запишани 45.892 гласачи, или во бројки 23.965 што е за 27 гласачи помалку од листата за градоначалник.  Вкупен број на неважечки гласачки ливчиња е 935, или помал е бројот во споредба со тие за градоначалник

Бројот на освоени гласови за советници е следен:
ВМРО-ДПМНЕ  10.729  -44,77%
СДСМ 7.405 -30,90%
ЛЕВИЦА 3.109  -12,97%
ДУИ  1.017  -4,24%
БДС  308  -1,29%
ЛДП/ДОМ  167  -0,70%
Твоја Партија 113  -0,47%
ИНТЕГРА  104  -0,43%
Единствена Македонија 78  -0,33%

Поврзани »