И натаму стечајната постапка за ,,Повардарие ,, се одолговлекува

Петар Печков

Винарската визба ,,Повардарие,, од Неготино побара а доверителите прифатија со  писмен договор со извршни клаузули,  пред нотар да им се исплатат побарувањата, на рати.   Стечајниот судија  Ангел Трипчев на денешното рочиште,   им даде рок до 6-ти  декември кога треба да се одржи следното  за отворање на стечај во оваа винарија. Тогаш доверителите ќе се изјаснат ќе оди ли во стечај или задоволни од договорот, но и првата  платена рата ќе донесат конечно решение. 

Во зависност од висината на побарувањето, некој  долг ќе се плаќа во една, две рати, други во шест, така што доверителите ќе бидат подмирени - рече адвокатот Васко Томановиќ правен застапник на Винаријата ,,Повардарие,,. 

Адвокатите, застапници на доверителите побараа првата рата да биде исплатена пред следното рочиште, за да знаат дали  должникот е сериозен или не. Тие побараа и име на доверителот кој во име ,,Повардарие,,   ќе ги исплатува, оти  винаријата не е во состојба тоа да го стори.

Станува збор за  добро стоечка, солвентна фирма ,,Интер ДОО,, од Скопје. Таа со еден милион евра претходно  го плати долгот кон Царина - додаде Томановиќ.   

Во Основен суд Велес половина  година  се води постапката за отворање стечај во ,,Повардарие,, . Прво ,,Повардарие,,побара изземање на Основен суд Велес како надлежен, па три месеци од  Врховен се чекаше одлуката да се изјасни, потоа должникот побара иземање на стечајниот судија и претседателот на судот, кое барање Апелација Скопје за десетина дена го отфрли.  На одолговлевкување на постапката реагираше стечајниот управник Димитар Хаџиев.

Согласно Законот за стечај претходната постапка трае 30 дена. Тој рок овде е одамна изминат.  Оваа постапка до денес трае пет месеци што е далеку од  дозволениот рок. Затоа барам од судот да има пократки рокови и постапката да не се одолговлеквуа - рече стечајниот Хаџиев.   

Отворање на стечај побарааа повеќе стотина лозари од тиквешијата, поради неисплатени побарувања за откупено грозје со години наназад.  

loading...

Поврзани »

loading...

Ронтис вработува 15 оператори

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

15 (петнаесет) Оператори во производство



АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали е потребно забрана за користење на мобилни на наставата во училиштата?

  • да
  • не
Резултати