Коцевски состојбата во Велес, по големиот број позитивни на ковид-19 и починати, ја оцени како крајно алармантна

Петар Печков

Состојба со ковид-19 во велешко е крајно алармантна, ваква е оценката на градоначалникот Аце Коцевски, откако околу 200 лица, велешани  се регистрирани за позитивни за десетина дена. Во овој период починаа и 15 сограѓани. Заклучно со вчеравечер, во Велес имаше 258 активни случаи.

Состојбата стана алармантна  деновиве. Бројот на позитивни со ковид-19 во Велес е далеку поголем отколку просекот што градот учествува во вкупниот број население во државата. Треба однесувањето на секој од нас  да го прилагодиме  на нова ситуација, да не придонесуваме на влошување на јавното здравје, на сопственото здравје и на здравјето на  најблиските - кажа Коцевски на денешната прес конфекција, откако претходно Општинскиот кризен штаб имаше седница.

Во велешко до пладне  имаше активни 258 случаи,  47 пациенти на Инфективно одделение, кое има капаците од 54 легла, 40 од нив се од Велес, пет од Свети Николе и по  еден  од Струмица и од Градско.   

Од јавните институции Коцевски соопшти дека  има двајца позитивни во општинската администрација ,седум во Општа Болница Велес, двајца во Здравствен дом, и по пет во ЈКП Дервен и Полициската станица Велес. Бројот на ученици позитивни на ковид-19 во велешко е три деца, сите основци. Во изолација се 84 дете, 45 од градинките и 39 во училиштата.  Во градинките во Велес има регистрирано три случаи на лица со коронавирус, сите воспитувачки.  

Превентивно затворени се детските игралишта и детските забавни паркови  во градот.

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Како да се надмине состојбата со големиот број заразени лица, позитивни на ковид-19?

  • зголемување на казните за не носење маска
  • затворање на одредени градови, општини со голем број заразени лица
  • повторно воведување полициски час
Резултати