Ликвидацијата на ЈП Велес -гас не мина, власта не обезбеди доволно гласови

Петар Печков

Не беше изгласана точката од дневниот ред за загаснување на ЈП за енергетика ,,ВЕЛЕС-ГАС,, Велес. На последната седница, 46-та по ред, оваа точка не го доби мнозинството гласови од присутните, откако за неа гласа 8, од владичкото мнозинство кое брои 13 советника, еден беше воздржан, додека советниците од опозицијата најавија дека нема да гласаат.  Образложението зошто се ликвидира ова ЈП, го даде градоначалникот на Општина Велес, Аце Коцевски. 

Владата до општините каде се води гасификацијата, со став  дека истите немаат потреба да се ангажираат со уредувањето на линијата за гас до градот. Таа ќе ја спроведува целокупната постапка за воведување на гасификацијата, преку обезбедување на партнер концесионер во оваа област, со потпишување на договор за јавно приватно партнерство (ЈПП). Со овој начин на постапување, со договор за ЈПП,  Владата би привлекла сериозен инвеститор со поголем обем и опфат на површина, и би предложила поконкурентна цена на гасот - кажа Коцевски. 

Потенцираше дека со досегашното работење на ова ЈП немало предизвикано никакви штети.  Опозицијата жестоко реагираше на загаснувањето на ова ЈП, со став дека тие биле против и кога се формирало. Повеќе советници потсетија дека тие не се согласувале тоа да се формира уште во февруари минатата година. 

Се згаснува ЈП по две години од неговата работа, при што потрошени не мали суми буџетски средства. За две години околу 1,2 милиони денари со кои средства можеа да се сработат инфраструктурни работи во општината.  Ние кратевме средства  во програмите, пренаменувавме,  со цел рационално да ги трошиме парите а дававме за ЈП кое не даде никаков резултат. Згаснуваме ЈП од кое нема општината нема никаква добивка   - кажа Нада Трајкова  координатор на советничката група на  ВМРО-ДПМНЕ.   

Второто ЈП Велес паркинг, формирано истовремено со ЈП Велес гас, е во фаза на припојување со ЈП Спорт  парк, поради како што тогаш најави градоначалникот Коцевски, заштеда на финансиски средства. 

loading...

Поврзани »

loading...

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Како ќе ја помните годината зад нас, 2019-та?

  • ги помнам само убавите моменти
  • што поскоро да ја заборавам
  • постар/а сум за една година
  • имаше и убави и лоши работи
  • како и секоја друга
Резултати