Велес ги има своите херои кои не се грижат само за благосостојбата на граѓаните туку и за благосостојбата на животните. Виктор Мазнев седум години работи на полето на правата на животните. Само во последните 4 месеци, Мазнев успеа да вдоми 50 бездомни улични кучиња во странство, а во текот на 2019 година, вкупно вдоми 100 кучиња и им обезбеди подобар живот во соодветни услови.

Овој исклучителен велешанец,  досега успеал да им го подобри животот на  900 бездомни животни. Тој е пример за секој од нас, дека кога се има доволно љубов и посветеност, се е возможно. Во името на оние 900 души што не умеат да кажат благодарам со зборови и кои денес секој ден го поминуваат со радост и сјај во очите наместо да талкаат  гладни по улиците, Општина Велес на Виктор Мазнев му ја додели наградата за најуспешен активист за правата на животните во 2019 година. 

Поврзани »