Судечкиот совет од Основен суд  Велес кој го работеше предметот за убиството во село Ореше, одлучи дека обвинетите не се виновни.   Ѓоре Петровски како нарачетел и браќата Ордан и Љупчо Ѓоргиевски како извршители се ослободени од  обвинението дека стојат зад убиството на Лазо Милошески кое се случи на 2-ри декември 2005-тата година.  Судијката Тања Милева образлагајќи ја пресудата рече дека ниту зад едно прашање поставено од Апелација, по враќањето на претходната пресуда, не е даден одговор.    

Не добивме одговор дали убиството е по порачка, дали постоела омраза и нетрпеливост помеѓу обвинетиот и убиениот, нема паричен проток на пари за надомест за извршеното убиство. Затоа обвиените се ослободуваат од вина – рече Милева.   Бранителите на обвинетите задоволни од  пресудата. 

По десетгодишна борба со судските лавиринти, Велешкиот суд по втор пат се ослободи и донесе пресуда како што е оправдана. Нема ниту еден доказ  дека обвиените го сториле кривичното дело. Нема доказ дека Петровски го нарачал убиството и нема доказ дека браќата Ѓоргиевски го сториле делото – рече адвокатот Коста Нојков.  

Со овој предмет настрадаа многу  луѓе и на можам да не се навратам на  целиот предмет  ,,Ликвидација,, кој покажува дека е исконструиран  исто како што е  конструиран и  овој ,,Ореше,,. Тажно е што првиот заштитен сведок беше  злоупотребен институтот заштитен сведок и во него учествуваа највисоки функционери на  правосудството и од МВР. По ваква пресуда бараме   обвинителството да го испита работењето на одделението за заштитениот сведоци, како и  одлуките на обвинителството  од тоа време  -  рече адвокатот Ѕвонко Давидовиќ.   

За браќата Љупчо и Ордан Ѓоргиевски  со оваа одлука во Македонија навистина ,,дојде живот,,   и дека зад обвинението стои  тогашниот врв на МВР, поточно ВМРО-то.  Претходно за девет години имаше четири пресуди по овој предмет, една ослободителна и три осудителни.   За синот на убиениот, отштетниот Ацо Милошевски судењето не е завршено.

Не сум  задоволен од пресудата. Има ЦД со докази. Има убиен човек, мора да има и виновник. Не е се завршено – рече Милошевски.    

Лазо Милошевски (71 год) беше застрелан  на 2-ри декември 2005-тата година, додека тој во неговата куќа подготвувал вечера. Од соседниот двор од триесетина метри растојание околу 20,40 часот биле истрелани два куршуми од кои едниот завршил во Милошевски  и бил фатален за него. Тој е пронајден мртов од соселаните следното утро.  Според обвинението убиството било извршено заради одмазда  по нарачка на Ѓоре Петровски кој од 1997-ма живееше на Флорида во САД. Тој за 20 илјади долари побарал од браќата Георгиевски да го убијат Милошевски, бидејќи во 1995-та Петровски бил застрелан во глава, но преживеал а тој сметал дека на него на железничката станица Орешка чука пукал Милошевски. Осудените браќа  Георгиевски и убиениот Милошевски биле во роднинска врска.

Поврзани »