Патеките и летниковците на езеро Младост ќе се чистат шест пати неделно, во текот на сезоната

Петар Печков

Советот на Општина Велес  на последната седница со мнозинство гласови ја донесе точката за одржување на јавната чистота. Со неа меѓу другото се  одлучи за одржување на хигиената на езеро Младост а како новина е што таму секојдневно ќе се чистата патеките и летниковците.

Ова доаѓа по бројните реакции на посетителите на овој рекреативен центар, поради нехигиената која во одредени денови  во летната сезона беше присутна.  

Одржувањето на хигиената ќе биде секој ден освен в недела во периодот од 1-ви април до 31-ви декември.  Ангажиран работник во една, прва смена,  ќе ги одржува   малата и големата пешачка патека, летниковците со корпите за отпадоци, пристапните улици во викенд зоната  и зоната за домување - пишува во одлуката.  

Појасот околу реката Бабуна до трети вир останува да се чисти со досегашната динамика, два пати годишно, во јуни пред сезоната за капење и во септември по завршувањето на сезоната. 

Четири пати годишно се чисти  крајбрежјето на река Вардар низ Велес, од Железен мост до Стар мост, за Водици, во април, август и октомври. 

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали состојбата со ковид-19, го промени начинот на живот кај Вас?

  • да
  • не
Резултати