Петар Печков
Објавено: петок, 03 октомври 2025
Велешанка се здобила со скршеница, тешки телесни повреди, откако била удрена од автомобил. Деталите од билтенот на велешката полиција.
„На 2 октомври околу 18:20 часот во СВР Велес е пријавено дека на ул.„8 Септември“ во Велес, патничко возило „фолксваген поло“ со велешки регистарски ознаки, управувано од Ѓ.П.(62 год) од Велес, удрило во пешакот Б.Ј.(81 год) од Велес“ – информира Биљана Ѓаковска, портпарол на СВР ВЕлес.
Во несреќата со тешки телесни повреди се здобила Б.Ј. констатирани во Општата болница Велес. Според хирург д-р Ванќо Граматов, повредената има скршеници на нога и се наоѓа на одделението за ортопедија на велешка болница.
По овластување на Јавен обвинител, извршен е увид од увидна екипа од СВР Велес.
