Победи за футсал екипата на Велес и кошаркарите на Борец баскет

Петар Печков

Започна вториот круг од натпреварите во Првата футсал лига, разигрување за шампион. Во првото коло дома, КМФ Велес со 5:2 го совлада КМФ Железарец. Така останува разликата од четири бодови меѓу лидерот КМФ Шкупи и велешани.  Во второто коло гостува кај КМф Шкупи во дербито за првата позиција. 

 Одбојкарите на ГОК Борец загубија дома со максимални 0:3 (18, 21, 14) од екипата на Јанта волеј  од Скопје, која е лидер во разигуравањето за пласман од 7-мо до 10-то место.  По ова 12-то коло велешани остануваат трети и во следното коло го пречекуваат тимто на Универзитет Гоце Делчев, кој има победа повеќе. И дилема дали велешани ќе имаат сили за победа над студентите од Штип.

Ракометарите на ГРК Борец ги продолжија натпреварите во Супер лигата со кадетски  состав. Дома загубија со 16:43 (8:21) во 15-тото коло . Најмногу голови кај домаќинот постигна   Стојанов седум. Велешани се последни без освоен бод. Следното коло гостуваат на лидерот Еурофарм во Битола.  

Кошаркарите на КК Борец Баскет  во 17 коло, дома победија со 98:85 над екипата на Спарта од Скопје која има пет победи во 13 средби. Со овие два бода велешани се најдоа на третото место со 23 бода и се борат за пласман до четврта позиција со која се учестува во разигрувањето за пласман во Првата лига.  Во следото коло гостуваат во Куманово на истоимената екипа, која е осма со четири победи од 14 средби.

Од следниот викенд тргнуваат и второлигашите, Есенскиот првак  ФК Борец 1919  игра дома на Градски против екипата на ФК Плачковица од Радовиш која ешеста со 15 бода.  

loading...

Поврзани »

loading...


АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали честите акциски контроли на сообраќајната полиција, изминатите два месеци, воведоа ред во однесувањето на возачите и пешаците?

  • да
  • не
Резултати