По пет години затвор добија четири момчиња од село Криволак, за разбојништво. Тие нападнале четворица Индијци, економски мигранти на кои им одзеле 950 евра и четири мобилни, или во денарска противвредност од 80 илјади денари.   

Ратко Митиќ (27 год), Енес Мехмедов (22 год), Реџо Бехљули (24год) и Бенјамин Елезов ( 27 год) го признаа кривичното дело разбојништво по што  во Основен суд Велес беа прогласени за виновни и ја добија минимална казна затвор која можеше да им биде изречена.

Делото го сториле на 19 септември минатата година во 8 часот близу Железничката станица Криволак.   При тоа освен што им одзеле пари и мобилни, им се заканувале, ги удирале по што побегнале. Откако Индијците го пријавиле случајот во полиција, четирите обвинети биле откриени дека се сторители, кај нив биле најдени парите и мобилните, по што им биле вратени на оштетените.

Интересно е што при изјаснувањето Бехљури и Елезов го признаа делото, додека Митиќ и Мехмедов не. Но откако обвинителката на судот во завршен збор му предложи да бидат укинати мерките на претпазливост за обвинетите, и прво и второто обвинетиот Митиќ и Мехмедов се предомислија па и тие го признаа делото. Наспроти нивниот адвокат Вано Шехтански кој претходно кажуваше  дека истите овие економски мигранти Индијци, и во Шид објаснувале дека во Србија биле нападнати на идентичен начин и одземени истите работи.

Поврзани »