Во велешката касарна ,,Алексо Демниевски Бауман,,   се одржа свеченост по повод давањето заклетва на 31 генерација на војници доброволци, но и на кандидатите за офицери за служба во АРМ.   Следните три  месеци обука ќе имаат 56 кандидати, од нив 6 се девојки.  

Овде има ред, дисциплина. Сакам да дадам поттик на сите девојчиња кои сакаат да пристапат во АРМ, нека дојдат ќе имаат ново искуство во животот - рече  Моника Стојчевска од Куманово, која има 19 години.  Слободан Петревски (24год)  од Гостивар кој се пријавил да служи војска веднаш откако го завршил  во Тетово факултетот за прехранбена технологија и нутриционизам.     

Да се биде војник е посебна чест. Со денешната заклетва вие слушателите и вие  војниците се обврзавте на највисоките уставни и човечки вредности.  Служењето  воен рок и работење во АРМ, ќе има влијание во вашиот натамошен животен пат, пред се со искуството  кое тука ќе го добиете и со предизвиците со кои ќе се соочите  -    рече генерал  Мухамед Рацај, заменик началник на Генералштабот на АРМ.  

Армијата е заедничка вооружена сила на сите граѓани  и тука нема место за етничка, партиска, верска или било која друга подвоеност. Војничката средина овозможува подобро да ги запознаете другите, нивните обичаи, култура и традиции. За идните офицери кои  дојдовте на оваа свеченост  од логорување, ви претстојат месеци на специјалистичка обука. Патот кон офицерскиот чин е тежок а вас ви остана полесниот дел затоа што следува делот кој е поврзан со досегашното школување – порача Газменд Абдиу потполковник во АРМ.

Регрутирањето на високо квалитетен,  мотивиран и високо обучен кадар е клучен предуслов за јакнење на  оперативните и борбени способности на  армијата и императив за безбедноста на Македонија. Тука ќе се стекнете со знаења  и воени вештини,  кои ќе ве направат подобри личности и подобри граѓани на Република Македонија   – рече Елизабета Чуповска Ристова  државен секретар во Министерството за одбрана. 

Поврзани »