Со литии по улиците на Велес, Повардарска Епархија на МПЦ-ОА бараше престанок на пандемијата од корона вирус

Петар Печков

По улиците на Велес денес се одржа литија за престанок на пандемијата од корона вирусот.  Свештеници качени на возило, ги попрскуваа улиците и од разглас се пушташе црковна музика.  Вакви литии се одржаа и во градовите од Повардарската Епархија на МПЦ-ОА, Неготино, Кавадарци, Гевгелија.

Следејќи ја традицијата на Светата Православна Црква, кога за време на војни, суша, земјотреси, епидемии и други несреќи, во минатото биле спроведувани литии со икони, крстови, света вода и свети мошти, со благослов на Митрополитот Повардарски Владиката Агатангел, денес, во сите градови и населени места од Повардарската епархија со света вода беа попрскани улиците, беше прочитана молитва и беше побарано благослов од Бога за престанок на глобалната пандемија и на погубната зараза. Следејќи ги препораките од државните органи, за да не се собира голем број на народ,  Владиката  Агатангел, благослови овој чин свештенството да го отслужи во движење, со помош на возила, што е редовна пракса при вакви вонредни состојби и во други држави и помесни Православни цркви - напишаа на официјалната страница на Повардарска Епархија МПЦ- ОА.  

Владиката во неговото вчерашно послание за пандемијата на корона вирусот, реагира на барањата да се забранат собирањата во црквите, сметајќи дека „ѓаволот ги користи некои луѓе, за да му наштети на верниот народ, да ѝ напакости на Светата Црква“.   На крајот од ова  обраќањето бара верниците да се помолат за неуморните и пожртвувани лекари, медицински сестри и сиот болнички персонал, кои се жртвуваат за да спасуваат човечки животи. Тој напиша дека е болен и подолго време отсуствува од богослужбите во велешките цркви. 

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали летово планирате да одите на одмор и ако одите каде?

  • да во Македонија
  • да во странство
  • не
Резултати