Општинската фудбалска лига никако да започне, поради лошата состојба на теренот на помошното фудбалско игралиште, кое се наоѓа во Градски парк.  Натпреварите требало да започнат минатата недела а се одложени за две седмици. Досега учеството го пријавиле девет екипи. Од Општинскиот фудбалски сојуз на Велес реагираат што термините на  првенството   се пролонгираат а терен нема каде да се игра.

Од локалната власт потсетуваат дека ФФМ од УЕФА добила три пати по пет илјади евра за обнова на фудбалските игралишта во Башино село, Превалец и помошниот стадион во Велес. Прашан дали има информации за ваквата статус кво состојба на теренот, на вчерашната прес конференција, градоначалникот Аце Коцевски даде информација  каде е проблемот.

На игралиштето беа изведени зафатите за подземна инсталација, под тревата за наводнување па беа истурени големи количества песок. Започната е изработка на бушотина за вадење на подземна вода за полевање, но од страна на надлежните инспекциски служби работата е стопирана оти нема извадено соодветна градежна дозвола - кажа Коцевски.  

Поврзани »