Велешанецот Р.Д. доби условна затворска казна поради тоа што организирале свадба во период кога таа била забранета, поради корона вирусот.  Во одговор на прашањето од ТрМр, каква казна му е изречена на ова лице, против кое велешката полиција поднесе кривична пријава до ОЈО Велес, од Основен суд Велес  соопштија .

На 1-ви септември, Основен суд Велес донел пресуда, со која се издава казнен налог, со кој обвинетиот Р.Д. е огласен на виновен за кривичното дело „непостапување според здравствените прописи, за време на епидемија“ при што му е изречена алтернативна мерка, условна осуда. Со неа е утврдено дека казната завор во траење од три месеци, нема да се изврши, ако обвинетиот за време од една година, по правосилноста на пресудата  не стори ново кривично дело- одговорија од Основен суд Велес.

Пресудата не е правосилна.

Според кривичната пријава  лицето Р.Д. ( 41 год) на 8-ми мај во периодот од 12.30 до 17.30 часот на ул.„Богдан Каракостев“ и покрај прописите донесени со Одлука на Влада, организирал свадба во дворот од куќата, каде биле присутни повеќе лица.

Поврзани »