7-ми април 1941 кога Велес беше бомбардиран од Германските фашисти

Петар Печков

Германските продирања на територијата на Македонија биле проследени со  силни воздушни напади. Уште на 6 април 1941 година, Велес 13 пати бил надлетуван од германски авиони. Страв и паника се населиле во градот чии куќи биле изградени од плитар. Којник, Бузаана, Мегдан, Сармаале, Варналиите, железницата, мостот, центарот, ги потресле силни детонации веќе на 7 април утрото, кога бројни авиони, ексадрили германски авиони поголемиот дел од стариот  Велес го срамниле со земја.

Бомбардирањето започна во 7 часот наутро. Уште поспани, не разбуди злокобниот  звук. Штуките надлетуваа а ние бегавме. Живевевме на Мегдан и спас баравеме преку Вршник. Таму се креивме.  Многу народ загина, цели семејства за жал. Бевме деца, мајките не носеа в раце, се бараше спас за жива глава, некои не  го најдоа  - вели жителка  на Велес, која со семејството заминала  во селото Ораовец.

Иако бомбите паѓале околу мостовите, ниту еден не бил разрушен. Најмногу население настрадало околу Којник и Мегдан. Имало многу жртви и рушевини. Цели семејства го завршиле својот животен  пат во тоа априлско утро. Според одредени пишани документи Велес тој ден имал до 500 жртви, што за жал  никаде не е заведено во историските документи, ниту пак има обележје за овие цивилни жртви на Втората Светска војна.  За рaзлика од жртвите  во Штип, Скопје... Следниот  ден 8-ми април Велес веќе бил освоен   од  германските  единици.

loading...

Поврзани »

Почина д-р Милчо Трајков
loading...


АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Какви специјалистички здравствени услуги користите?

  • од јавното здравство
  • од приватното здравство
  • комбинирам
Резултати