Средата претпладне околу 9ч. на големиот одмор во одделение од ОУ Блаже Коневски во Велес се случил инцидент, кога дете нападнало друго, соученик. При тоа повреденото дете  поради  здобиената повредата, е пренесено на Неврохирургија во Скопје. Двете деца биле на возраст од 12 години и ученици во седмо одделение.

„На 20 ноември  во Полициска станица Велес било пријавено дека во Општинско основно училиште во Велес, малолетник физички нападнал друг малолетник-негов соученик. Со Итна медицинска помош Велес малолетникот бил однесен во болницата во Велес за укажување на лекарска помош. За настанот известен бил јавен обвинител и Центар за социјални работи Велес.СВР Велес презема мерки за расчистување на случајот“ – добиениот одговор од СВР Велес на поставеното прашање  од ТрМр за инцидентот во училиштето.

Од велешка болница информираа дека докторите ги прeзеле ситe неопходни мерки и со целосна здравствена нега е препратен во Скопје.

„Донесен е пациент, дете со хетероанамнеза за пад од сопствена висина. При приемот детото е во сомнолентна (поспана) состојба со крварење од десно уво. Прегледано од хирург, педијатар, невролог и анестезиолог. Направени се потребните иследувања, снимање комјпутерска томографија. Под сомнение за телесна повреда на лево уво, пренесено е на Клиника за Неврохирургија“ – соопшти д-р Биљана Босилкова, портпарол на Општа Болница Велес.

Поврзани »