lj lkjl

Објавено: четврток, 17 јануари 2008 944

Антивирусниот софтвер NOD32, дело на словачката компанија ESET која е позната по производство на најнапредни софтверски решенија за проактивна заштита на компјутери, се закити со титулата \"Најдобар антивирусен софтвер за 2007\".

Во текот на минатата година тестирани се 17 производи, а победниците мораа да покажат екстра перформанси, односно да откриваат полиморфни вируси (кои тешко се пронаоѓаат), да дадат високи резултати при проактивна детекција, да генерираат што е можно помал број на лажни предупредувања, да се брзи, да не сметаат на работата на компјутерот, да не го руши системот и да немаат багови.

Анти-вирусното решение NOD32 е прогласено за најдобро затоа што ја користи ThreatSense технологијата, која проактивно ги штити корисниците од штетните кодови, кои не се откриваат и при често надградување на анти-вирусните производи чии заштита се темелат на потписите на вирусите.

„Во изминатите четири години, колку што ги вршиме тестирањата на анти-вирусните производи не пронајдовме ниту еден кој може да се спореди со начинот на работа на ESET-овиот производ“, вели Андреас Клементи, основач и главен истражувач на AV-Comparativesa.

Како резултат на тоа, ESET секогаш има најдобри резултати во споредба со конкурентските производи, оценува Клементи.