Петар Печков
Објавено: вторник, 22 април 2025
ЈПВ „Лисиче” -Велес постави нова метеоролошка станица на браната Лисиче. Новиот систем за мониторинг ги следи параметрите брзина и насока на ветер, температура на воздухот и влажност на воздухот, мерење на врнежи, атмосферски притисок, соларна радијација.
„Податоците од метеоролошката станица се интегрирани и прикажани во SCADA системот, што овозможува континуиран мониторинг и анализа на параметрите во реално време. Дополнително, податоците се складираат во база на податоци од моментот на поставување на станицата, што овозможува долгогодишно следење и анализа на метеоролошките услови и трендови.“ – информираа од ЈПВ Лисиче.
Оваа метеоролошка станица ќе ги обезбеди сите потребни податоци за мониторирање на метеоролошките услови, што е клучно за ефикасно и безбедно управување со браната.
