Петар Печков
Објавено: недела, 24 март 2019
Во саботата во Пробиштип се одржа манифестацијата “Зелникот на баба” 2019., годинава по осми пат. Меѓу 16-те града учесници беа и велешанки, од Здружението на жени а годинава во Пробиштип имаше гостинки и од Србија и до Бугарија.
Велешанки се преставија со традиционална велешки домашна храна солена и блага. На лице место се демонстрираше како се изготвува и како се пече под вршник. Имаше натпревар во брзо сукање, каде победи натпреварувачката од Новаци, за нај етно украсена маса беше избрана масата на гостите од Алексинац, Р. Србија.
Подготвените производи се продаваа а собраните средства околу илјада евра беа со хуманитарна цел. Даниела Темелковска и Ирена Спасовска направија одлична атмосфера, се играше на градскиот плоштад во Пробиштип кој никогаш не е бил повеќе исполнет.
