Петар Печков
Објавено: среда, 10 декември 2025
Викендов 13 и 14 декември, во Велес ќе се одржи Божикниот танцов натпревар. Тој ќе се случи по шести пат а организатор е балетеското студио Анабела од Велес. На годинашното издание ќе учествуваат рекордни 1917 танчери со 2352 настапи од 36 танцови клубови од Македонија, Србија, Грција, Бугарија и Косово.
Организаторите очекуваат повеќе од три илјади посетители. Настапите ќе бидат на сцената на велешки театар „Јордан Хаџи Констатнинов Џинот“.
„Christmas Dance Competition не е само уметнички спектакл, туку и силен стимул за локалната економија. Големиот број гости од земјата и странство придонесува за зголемен промет во угостителството и трговијата, а Велес добива силна промоција како град кој умее да организира настани со европски стандарди“ – соопштија од Анабела.
Организаторите очекува викендов значително зголемен број посетители во Велес. Поради тоа, се упатува апел до велешани за трпение и разбирање, особено во делот на сообраќајот.
