Петар Печков
Објавено: вторник, 25 февруари 2025
Елена Митушева е Вешта жена за Велес за 2025 година. Манифестацијата која се одржува традиционално, со години наназад, е во организација на Вешта жена и Организацијата на жени Велес.
Митушева ќе го претставува Велес на завршната манифестација за Вешта жена на Македонија, која ќе се одржи во месец мај.
На годинашниот настан учествуваа три жени кои подготвија предјадење, главно јадење, десерт, но се оценуваше и поставеноста и декорацијата на масата, икебана, а жирито заедно со присутните гости ја избра за најуспешна Митушева.
Еден од спонзорите на манифестацијата е велешки „Кристал 1923“.
Награда за Гран при доби Весна Андова.
