Возач со автомобил удрил пешак во Градско, жената се здобила со скршеници. Детали од информацијата на велешката полиција.

„На 20.04.2026 околу 08:30 часот во СВР Велес е пријавено дека во Градско, патничко возило „даеву“ со кавадаречки регистарски ознаки, управувано од Т.Ј.(68 год) од Градско, удрило во пешакот Ј.Ѓ.(84 год) од Градско“ – соопшти Ана Милевска Ѓеоргиева портпарол на СВР Велес.

Во несреќата со тешки телесни повреди се здобила Ј.Ѓ., констатирани во Општа болница Велес. 

„Повредено лице од сообраќајна несреќа е донесено вчера утро. По извршените снимања и прегледи, констатирана е скрешница на рака, задржана 12 часа и пуштена на домашно лекување – кажа д-р Ана Марија Џунџева, портпарол ан ЈЗУ Општа болница Велес.

Велешката полиција информираше за уште еден настан, втор за десетина дена, лице кое возело во спротивна насока на автопат е уапсено кај наплатна рампа Сопот.

На 19.04.2026 во 17:30 часот, полициски службеници од Мобилната единица за безбедност на сообраќајот на патиштата го лишиja од слобода М.А.(81) од Крива Паланка. При сообраќајна контрола кај наплатна станица „Сопот“ на автопатот Скопје-Велес, било сопрено патничко возило „хјундаи“ со кривопаланечки регистарски ознаки, кое тој го управувал, при што било констатирано дека се движел во спротивен правец на автопатот“ – додаде  Милевска Ѓеоргиева.

По насоки од јавен обвинител тој бил приведен во полициска станица и по документирање на настанот против него ќе биде поднесена соодветна пријава.

фото интернет

Поврзани »