Поради вонредната состојба во државата има ниско ниво на залихи со крвни единици. Затоа Општинскиот црвен Црвениот крст на Велес во соработка со Институтот за Трансфузиона медицина се одлучи во Велес да се одржи ВОНРЕДНА КРВОДАРИТЕЛСКА АКЦИЈА. Истата ќе се одржи на 15.04.2020 година (среда) во просториите на ЛИКОВНИОТ САЛОН, со почеток од 9 до 14 часот 
Ги повикуваме сите крводарители кои сакаат да учествуваат да дадат придонес за здравјето на населението. Со цел да се придржуваме на мерките за безбедност на јавното здравје сите кои сакаат да донираат, најдобро е да се јават на тел. бр. 076/368-066 за да добијат термин кога да дојдат на крводарување со што би се избегнало чекање и контакти со останати граѓани. На крводарителската акција ќе се применуваат сите стандарди и процедури согласно состојбата во која се наоѓаме.