И натаму бреговите и реката Вардар, служат за фрлање на смет

Петар Печков

За два месеци велешани фрлија повеќе смет, на бреговите и кејот  од реката Вардар, отколку што претходно имаше на истиот простор. Во  четиричасовната акција , која во  неделата ја изведоа волонтерите од ,,Македонски спасител,, здружение за безбедност на вода и планина од Велес, собраа повеќе смет отколку во средината на јули. Тие го чистеа просторот, на кој минувачите  фрлаат смет во централното градско подрачје, помеѓу мостот Гемиџии и Мало мовче. 

Отстранивме огромно дрво, нанос од реката Вардар  и го чистевме кејот и брегот на реката. Состојбата беше полоша отколку што ја имавме пред два месеци. Многу повеќе ѓубре, отпад најдовме на овој простор.  Собравме 1,2 илјади литри отпад, најмногу пет амбалажа - изјави Ангел Пановски претседател на здружението ,,Македонски спасител,,. 

Ова е втор дел на проектот ,,Чувари на вардарското крајбрежје,, помогнат од Министерството за животна околина и Општина Велес.  Првиот дел се спроведе на средината од месец јули.  Членовите на здружението апелираат до велешани да ги почитуваат законите и да не  фрлаат отпад во водите на Вардар.

За жал свеста е многу ниска, додека ние честевме еден минувач од мост фрли отпад во реката Вардар, пред нас и пред многумина минувачи. Испраќаме силна порака реката Вардар и крајбрежјето не се корпи за отпад - додаде Пановски. 

Во средината на август вработените од ЈКП Дервен спроведоа вонредна, трета акција годинава  на чистење на бреговите на реката Вардар, околу Стар мост и тогаш беа собрани пет трактора смет и два трактори градежен шут. 

loading...

Поврзани »

loading...

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Како ќе ја помните годината зад нас, 2019-та?

  • ги помнам само убавите моменти
  • што поскоро да ја заборавам
  • постар/а сум за една година
  • имаше и убави и лоши работи
  • како и секоја друга
Резултати