Петар Печков
Објавено: вторник, 02 април 2024
Велешката авторка, Лила Арсова, денес на 2 април, Светскиот ден на литературата за деца, ја промовираше нејзината осма книга. Таа е насловена „Детските мечти“.
„Сите мои дела се наменети за децата и младите, иако книгата нема возрасна граница за која публика е наменета. Уживам додека ги пишувам, уживам додека ги читам, уживам додека ги раскажувам“ – кажа Арсова која е одделенски наставник во подрачното училиште на ОУ Васил Главинов во населба Превалец.
Книгата „Детски мечти“ е наградена на конкурсот „Пелистерски ракувања“ од Битола. Промотор на книгата беше проф. д-р. Васил Тоциновски.
„Новата книга на Арсова е концепт кој нуди седум приказни, бајки, за седум дена, или за секој ден од седмицата по една. Во книгата централна личност е детето, кој е секундарна појава, бидејќи се околу него е главната тема која ја интересира авторката. Тоа се домот и семјеството, традицијата, пријателството. Детските мечти се филозофија за пријателство и другарување на детето со животните, растителениот свет“ – кажа Тоциновски.
Промоцијата беше во организација на Клубот на писатели “Коста Солев Рацин“ од Велес и Локална библиотека „Гоце Делчев“ од Велес.
