Петар Печков
Објавено: недела, 04 мај 2025
Викендов велешката полиција контролирала колку е гласна музиката која се пушта во угостителските објекти во градот. Во два, биле констатирани прeкршоци. Од полицијата нема дополнителна информација, кои се тие два објекти.
„На 03/04.05.2025 во времето од 22.00 до 02.30 часот, била спроведена акциска контрола во угостителски објекти на подрачјето на Велес. Притоа, при извршено мерење на јачината на бучавата со фонометар, во два угостителски објекти, било констатирано дека ја надминуваат дозволената јачина, односно со музика погласна од дозволеното, го нарушуваат јавниот ред и мир“ - соопшти Биљана Ѓаковска, портпарол на СВР Велес.
Полицијата најавува дека ќе бидат поднесени соодветни пријави.
И претходниот викенд, велешката полиција изврши идентични контроли, и исто така констатира два прекршоци.
