Општинската организација на Црвен крст Велес  го одбележа 17 март Денот на крводарителството.  Беа доделени признанија за најдобрите на полето на крводарителството во Велес, Градско и Чашка за 2023 година.

Признание на 100 пати дарувано крв доби Тодор Хаџи Ристов, за 75 дарувања наградени беа Божо Димовски, Димче Наумов и Стефан Јовчев. Признание за 50 дарувања им беше врачено на  Ѓоре Коцев, Игор Наунчев, Иван Стојанов, Дени Пејчиновски, Јордан Кирков, Драганчо Талевски, Снежана Петрушевска, Роберто Јаневски и Нино Николов.

„17 март денот за кој сме собрани е знак на човекољубието и хуманоста, ден кога се истакнува добрата страна на човекот, големината на крводарителите. Велес е една од четирите организации кои планот за крводарување го реализираа со над 200 отсто. Тоа е заслуга на вас крводарителите. Радува фактот што во Велес, Градско и Чашка имаме нови дарителите кои даваат крв за прв пат а лани такви биле 591 лице. Забележлив е фактот што нови компании, фирми, институции се вклучуваат во крводарителските акции“ - кажа д-р- Кевица Клифова претседател на ОО Црвен крст Велес.

Ланската година крводарителите од велешко, заедно со општините Градско и Чашка, дарувале 3839 крвни единци, со што годишниот  план е натфрлен за 206 отсто а тој е 1.860. Најбројни крводарителски акции биле двете  на Мото клубот „Носачи на крстот“  со вкупно 320 крвни и единици, и летаната крводарителска акција со 175 крвни единици.

Во знак на благодарност за унапредување и омасовување на крводарителството, значаен придонес за исполнување на локалниот и републичкиот план за крводарителство во 2023 година и за поддршка на крводарителството

Благодарница им се додели на: Команда за обука и доктрини на Армијата на РСМ, „Скил ап академија“, ДСУ РЦСОО „Коле Неделковски“, Основна организација на Црвен крст Градско и мотиваторите за крводарителство Благое Климкаров, Дончо Николовски, Слободан Бошков и Зоран Јаневски. Лани 30 волонтери на Црвениот крст Велес сработиле 405 работни часа.

Признание за развој и поддршка на крводарителството добија и Службата за трансфузиона медицина од Велес и др. Лилјана Поцкова, др. Славе Јорданов, Мимоза Николова, Милка Илиева и Душанка Темова.

Поврзани »