Промовирана книгата ,,21,, од Игор Крајчев

Петар Печков

Вчеравечер во медиотеката на Локалната библиотека „Гоце Делчев“ , пред бројни љубители на пишаниот збор и мисла, беше промовирана стихозбирката  „21“ на авторот Игор Крајчев. Тоа е негова петта книга, трета поетска, во која има 21 песна, поделени во три циклуси.

Промотори на книгата беа проф. д-р Кристина Николовска и проф. д-р Венко Андоновски. Според него тоа е стихозбирка со која авторот докажува дека е во врвот на македонската поезија и тоа не само од помладите автори.

Авторот на многу едноставен начин, со многу малку зборови постигнува максимум значење во песната, а тоа е врв идеал на секој поет. Во „21“ Крајчев се прашува за основните животни филозофски прашања, Што е животот? Што е смртта? Постои ли бесконечност или не? - кажа промоторот Андоновски. 

Со стихозбирката ,,21,, во издание на ,,Матица,,  на македонски и англиски јазик, Крајчев   ја доби наградата „Јован Котески за 2019“.На промоцијата стихови на македонски јазик читаше актерката Талија Настова а на англиски Сандра Нешова Крајчев.

Ова дело го потврдува Игор Крајчев, како еден од оние мајстори што го следат Рациновото стебло во поезијата. Тоа е начелото на едноставност, со едноставни зборови и фрази да се постигне максимум -додаде  Андоновски.

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали летово планирате да одите на одмор и ако одите каде?

  • да во Македонија
  • да во странство
  • не
Резултати