Петар Печков
Објавено: петок, 27 декември 2024
Вратени се т.н. лежечки полицајци, кои треба да го успоруваат сообраќајот на делници каде има ученици и деца. Ова беше по барање од страна на граѓаните кои реагираа по социјалните мрежи но и на членови на Советот, кои бараа нивно враќање, поради брзото возење од страна на поединци.
Локалната власт ги острани при асфалтирањето на улиците во септември на неколку локации а деновиве се поставени нови. Тие се унифицирани, пластифицирани, а некои и осветлени од страна на тротоарот, заради одбележување во вечерните часови и безбедност ан учесниците во сообраќајот.
Надлежните информираат дека дополнително се поставени и пластични чуневи, оти на истите вакви, кои одамна се користеа кај училиштето Коле Неделковски, возачати ги избегнуваат со минување меѓу нив. Токму поради тоа биле и овие чуневи , да се избегне слична состојба и со ново поставените.
Нив ги има на ул Борис Трајковски, кај ОУ Васил Главинов, на ул. Алексо Демнивски Бауман пред Пионерски и кај преминот од Младински парк кон салата, потоа на ул. Петре Прличко кај ОУ Панко Брашнар.
