Петар Печков
Објавено: петок, 27 декември 2024
Попладнево во акција на шумската полиција од близина на Велес, тие биле нападнати околу 14ч. од страна на дрвокрадци. Двајца од нив побарале и помош во велешка болница. Деталите за настанот ги објави заменикот директор на ЈП Национални шуми, Кире Михаилов.
„Со ножеви и моторни пили нападнати и повредени наши колеги од Шумска Полициска Станица Велес од Велес Попладневно на територијата на ПШС "Бабуба" - Велес при акција во која е затекната поголема група дрвокрадци како нелегално сече, нападнати се и повредени шумски полицајци. Тројца шумски полицајци се со повреди и се во болницата во Велес. Напаѓачите се избегани, но, во моментов се приведени неколку лица кои се на препознавање, а по останатите се трага“ –напиша на неговиот ФБ профил Михаилов.
Од велешка болница информираа дека во 14,30ч. кај нив биле донесени две повредени лица. Нивните повреди биле санирани и подоцна пуштени на домашно лекување.
Теренот каде се случил инцидентот бил, каде што неодамна се изврши пошумување, на терените кај езеро Младост.
фото ФБ Кире Михаилов
