Архитектот Митровиќ добитник на наградата Андреја Дамјанов за животно дело

Петар Печков

Aрхитектот Миодраг Митровиќ е годинашен добитник на наградата „Андреја Дамјанов“, која Асоцијацијата на архитекти на Македонија (ААМ) ја доделува за животно дело и особени достигнувања во областа на архитектурата и градителството.

Заблагодарувајќи се за наградата, архитект Миодраг Митровиќ на свеченоста при добивањето на статуетката  порача дека е чест да се биде во ова друштво на наградени архитекти.

Голема чест е да се стане член на Архитектонската Академија, да се придружиш на архитектите што го одбележаа градителството во државата и во ова добро друштво да ја продолжиш мисијата – архитект - кажа Митровиќ. Се заблагодари и на сегашните членови на Архитектонската Академија, велејќи дека дел од нив му биле професори, а дел постари колеги кои несебично го прифатиле и упатиле на првите проектантски чекори.

Митровиќ е роден во 1948 во Вршац, Србија, а дипломирал на Архитектонскоградежниот факултет во Скопје (1973). Се занимава со архитектонско проектирање. Посебно внимание посветил на станбената проблематика и реализирал повеќе станбени комплекси, станбени згради и индивидуални куќи. Негови позначајни реализации се: „Еуротел“ во Струга (1981), станбени кули „Три бисери“ во Скопје (1982), станбен блок на булевар Партизански одреди во Скопје (1986), Вила „Марко“ во Скопје (1995).

Поврзани »

РОНТИС вработува техничар за одржување

Швајцарска мултинационална компанија активна во областа на фармацијата и производство на медицински помагала заради зголемување на својот постоечки капацитет во Велес има потреба да вработи:
Техничар во оддел за одржување Детали

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Велес е еден од малкуте градови во Македонија, кои немаат пешачка зона во центарот на градот. Дали сте за улица 8-ми септември од Сармаале до споменикот на Илинденците да биде затворена за сообраќај а тој дел пешачка зона?

  • да
  • не
Резултати