Со  40,9 степени под сенка измерени во 14 часот, денес 25 јули, Велес беше најтопол град во Македонија. Приближна вредност беше измерена во Скопје во 16ч. 40,7.  Ова е податок според мерните инструменти на УХР, објавени на официјална страница.   

Претходно во саботата 22 јули, во Велес  во 14ч. беа измерени највисоките 41,2 степени Целзиусови под сенка.

Податокот е  од мерната станица која се наоѓа во близина на Општата болница, кај хелиодромот. Се мери според стандардите на Светската  метеоролошка организација, на два метри над земја, на тревна површина и апаратура заштитена во куќарка.

Метеоролозите најавуваат од утре, спуштање на температурите.

Поврзани »