Општина Велес и оваа година традиционално ќе ја организира манифестацијатa „Фестивал на велешка пита и  вино 2018“ презентација на питата пастрмајлија и виното каде производителите на пекарски и алкохолни пијалоци односно угостителите и винариите ќе го промовираат сопственото производство.
Манифестацијата „ Фестивал на велешка пита и вино 2018“ ќе биде од изложбен и продажен карактер.
Цел на  манифестацијата е да се придонесе кон поголема афирмација и промоција  на  питата пастрмалија, препознатлив велешки специјалитет, но истовремено ќе им помогне на угостителите, винариите, малите и средните компании од прехранбениот сектор, пред потенцијалните потрошувачи од Вардарски плански регион и Македонија, како и здруженија на сродни производители, стопански комори, ресорни министерства, амбасади, организации и фондации за поддршка на претприемништвото во Република Македонија, кои ќе бидат поканети да го посетат настанот.
Оваа година манифестацијата ќе се одржи во  периодот од 19, 20 и 21 Октомври на ул. „8-ми Септември“ (С‘рамале до кружниот тек) со богата културно- уметничка и забавна програма.
Се повикуваат сите угостители, винарии, правни лица и регистрирани индивидуални  пекарски производители, да се пријават за учество  во Општина Велес .
Контакт лица за дополнителни информации за манифестацијата можете да добиете на телефон: 043/232-406; 043/232-966 или opve@veles.gov.mk; dime.atanasovski@veles.gov.mk тел:076/351-864 или andrej.kjamilov@veles.gov.mk тел:070/377-071