Велешанецот Александар Николовски ги промовираше неговите пет книги

Петар Печков

Младиот велешки автор Александар Николовски  неодамна промовираше пет негови  книги, кои ги пишувал изминатите неколку години. Промоцијата беше во организација на велешката Библиотека Гоце Делчев,  а книгите веќе можат да се изнајмат за читање од оваа институција.

Николовски кој има 27 години и е дипломиран инженер по информатички науки ги промовираше неговите книги - Џокер во покер, Невеста од соништата,  Страв од вистината, Ќе посакаш да умреш и  Змијарот. Делата се негово издание и се трилер мистерија.     

Приватно најмногу сакам да ги читам овие жанрови  а кај нас во Македонија нема модерни автори, кои пишуваат од овој жанр. Во реалниот живот нема можност да се убиваат главните ликови но во книжевноста е можно.  Овој жанр се бара, лесен  е за читање, возбудлив со непредвидлив крај - кажа Николовски.     

Од март до октомври годинава  за седум месеци напиша и издаде три книги „Невеста од соништата“,  „Ќе посакаш да умреш“ и „Змијарот“ затоа што во време на     пандемијата му останало  повеќе слободно време, да творам од дома, да ги преточува во текст идеите кои ги има.  

Неговиот прв роман „ Џокер во покер„ е награден на  конкурсот УНЕСКО  за млади и  неафирмирани автори, пред три години, тогаш под работен наслов работен „Ас во ракавот“. Книгата    уште е барана и читана, а   има и доза на романска и драма. „Страв од вистината“ според авторот Николовски е   најбарана од неговите книги, седмиот тираж е продаден осмиот  следи по Нова година.

Тоа е за мене најшокантна книга, со непредвидлив крај , ги заковува читателите да ја читаат , книга која читателот ќе ја помни, нема да ја заборави. Книгите се засебни, не се меѓусебно поврзани иако имаат исти јунаци инспекторат Горазд Николов   и  неговиот наследник Димитар - објаснува Александар.  

Неговиот последен роман „Ќе посакаш да умреш“  излезе кон крајот на октомври и продаден е првиот тираж,  а деновиве излегол  и вториот кој исто така е баран. Младиот велешки автор, пишува  и поезија, има и книга   „Поле со камилица“  која уште не е официјално објавена. Поезијата е  со љубовна тематика, контраст со тоа што го пишува во прозата. Во однос на тоа како читателите ги прифаќаат неговите дела тој скромно вели, дека потребна му е критика.  

Не сум уверен дека книгите се идеални и затоа треба да се прифане критиката, таа е од корист,за да се поправи авторот во следните дела - заврши Николовски.

Поврзани »

Квалитет на воздухот во Велес

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали Општина Велес да се задолжи со 46 милиони денари, за да се изгради покриен Градски пазар?

  • да
  • не
Резултати