Министерството за спорт ги објави номинациите за спoртист на Македонија за 2024 година. На листата од пет спoртисти во машка конкуренција е и велешанeцот Ангел Петрушев, кој настапува во кајак на диви води. Тој на ЕП на патеката Тацен во Словенија беше 6-то пласиран, што е најдобар пласман на еден македонски кајакар на Европско,Светско првенство или Олимпијада.

Тој во конкуренција за наградата е со Тони Лазов (шах), Бобан Илиоски (кик-бокс), Дарио Ивановски (атлетика) и Столе Димитриевски (фудбал).

Кај дамите номинирани се: Милјана Рељиќ (таеквондо), Михаела Мишовска (карате), Сара Ристовска (ракомет), Леа Бошевска (кик-бокс) и Наташа Андоновска (фудбал). 

За најуспешен машки национален тим во конкуренција се  сениорската ракометна репрезентација, фудбалската репрезентација, одбојкарската репрезентација, како и кошаркарската репрезентација до 18 години и карате националниот тим.

За најуспешен тренер номиниран се: Кирил Лазаров (ракомет), Дејан Митровски (кикбокс), Александар Кузмановски (карате), Бранимир Јованоски (стрелаштво за лица со телесен инвадилитет) и Благоја Милевски (фудбал).

Изборот ќе биде извршен при крајот на годинава.

Поврзани »