Велешанката Тодоровска настапи на Романсијадата во Москва

Петар Печков

Велешанката Магдалена Тодоровска  настапи изминатиот викенд на концертот „Ѕвезди на Романсијада“. Концертот се одржа  во Големиот Кремљски Дворец во Москва а Тодоровска  настапи како единствен претставник од Македонија.  Концертот традиционално се одржа повод Меѓународниот ден на руската романса. Тодоровска е студент на четврта година -отсек соло пеење во класата на Ана Дурловска на ФМУ при УКИМ Скопје.

Магдалена на нејзиниот ФБ објави дека е  пресреќна од овој светски настап во Големиот дворец во Кремљ. На концертот била придружувана на пијано од Елена Силјановска, која е корепетитор на Македонската Опера и Балет во Скопје.  Таа за својот настап искажа голема благодарност кон  професорката Ана Дурловска и пијанистката Силјановска, како и Танцовото шоу „Валери“ од Москва кои со својата кореографија го збогатиле нејзиниот настап.

Магдалена упати голема благодарност и до Амбасадата на Русија во Македонија и ЛУКОИЛ Македонија кои и помогнале да замине на овој настап во Москва.

Настапот на Магдалена Тодоровска во Дворецот Кремљ во Москва е резултат на освоеното првото место на натпреварот „Балканска романсијада”, кој на 11-ти  ноември се одржа во Рускиот Културно информативен центар во Софија. Таа настапи заедно со 15  други учесници од исто толку држави. 

loading...

Поврзани »

loading...

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали имате доволно време да му посветите на Вашето дете/деца?

  • да, за нив секогаш имам време
  • имам многу обврски, тешко се наоѓа
Резултати