Петар Печков
Објавено: петок, 17 јули 2026
Претпладнево на плоштад Сармаале, беше реализирана превентивно-здравствена активност, заштита од високите температури. Таа беше овозможена од екипата на ЈЗУ Здравствен дом Велес. Тие беа присутни од 9 до 11ч. но поради големиот интерес, продолжена беше за 15 минути.
„Имавме околу 150 граѓани на кои им измеривме присуство на шеќер во крв, крвен притисок и пулс. Кај една третина од нив имаше зголемено присуство на шеќер. Повеќето беа со нормален притисок, разбирливо бидејќи дојдоа со веќе примена терапија и се одговорни кон своето здравје. Нив и на сите граѓани им препорачуваме редовно да ја примаат својата препишана терапија, да ги посетуваат матичните доктори за контроли, да носат полесна облека, да носат вода за пиење, да не излегуваат во најжешкиот период од денот. Ако почувствуваат било каква тегоба веднаш да се обратат на матичниот доктор“ – рече д-р Мартина Лазаревска од службата за Итна помош.
На минувачите им беше делена и вода за пиење. Ваква активност ќе биде реализирана и вторник и следниот петок, но на друга локација.
