Засадени 400 садници дрва, под Клепа, во чест на Калина и Александар (фото)

Петар Печков

На површина од илјада метри квадратни се посадија садници од шумата во формирање ,,Калина и Александар,,. Таа  е на 600 метри надморска височина, под врвот Клепа во општина Градско.   Деновиве десетина  волонтери, вљубеници во природата од  Еколошката групација ,,Зелена сила,,  засадија 400 садници бреза, чемпрес, јавор, јасен и бел бор, донација од ЈП Македонски шуми а просторот  се наоѓа на границата помеѓу општините Градско и Росоман. 

Годинава започнавме да ја формираме шумата посветена на нашите пријатели Калина Велеска и Александар Миновски кои трагично ги загубија животите на 10-ти февруари 2018-та при искачување на врвот Кајмакчалан.  Една недела пред тоа со Калина бевме на искачување на Клепа и таа попатно засади една млада садница, токму на овој простор каде сега засадивме нови 400 и ги полеавме со два тони вода. Нејзината садница  е во средина. Оваа шума нека биде вечен помен за нашите другари,  кои ќе останат бесмртни.  Шумата секоја година на традиционалното искачување на Клепа ќе станува се поголема, со засадување нови садници - рече Игор Смилев еден од иницијаторите,  од ЕГ ,,Зелена сила,,.  

Просторот е заграден со еластична ограда, за превентива за зачувување на младите садници. Недела  е предвидено искачување на врвот Клепа 1.150 м, поставување на клепало, по кое врвот го добил името во турско. Меѓу учесниците се најавени и гости од четири друштва до Србија, од Параќин, Јагодина и Ќуприја. 

Поврзани »

АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали летово планирате да одите на одмор и ако одите каде?

  • да во Македонија
  • да во странство
  • не
Резултати