Во претстојната одбојкарска сезона, во Втората лига –жени, ќе настапуваат две велешки екипи. Освен ОК Борец кој по 13 години се враќа во лигашко натпреварување, новак е екипата на  Одбојкарски клуб О.К. Виола Волеј од Велес. Екипата постои  15 години и активно  се натпреварувала во млади категории.

Оваа натпреварувачка сезона 2025/26 за прв пат од постоењето на клубот ке се натпреварува во Втора Лига Жени. Клубот ќе се натпреварува и во млади категории каде што натпреварите ке бидат во групи. Во првото коло ОК Виола Волеј игра со ОК Виктори Волеј од Струмица на домашен терен.

„Оваа година е прва од ваков натпреварувачки карактер и е од големо значење за стекнување на поголемо искуство за девојките, иако до сега имаат прилично богато натпреварувачко минато. Атмосферата во тимот е одлична и девојките се мотивирани пред почетокот на сезоната“ – кажа тренерот Милан Радевски. 

Во оваа конкуренција има 13 екипи и ќе се играат 26 кола,  24 натпревари дома –гости. Првакот се пласира  во Прва лига.  Второпласираниот тим игра бараж натпревар со деветтопласираната екипа од Прва лига – жени за влез во поквалитетното друштво. Втората лига започнува на 11 октомври. 

Поврзани »