Локалната власт на Општина Велес го објави извештајот од тестирањето на здравствената безбедност на површинската вода на езеро Младост. Примероците се анализирани од вода на две плажи, Градска и пред хотел Романтик. Примероците се земени на 1 јули.

Како и во претходните анализи, надлежните од Центарот за јавно здравје (ЦЈЗ) Велес констатираат дека  водата е бактериолошки и со физичко-хемиски параметри кои одговараат на дозволените вредности. 

Но и натаму е клучна констатацијата, дека е потребно да се испита дали во водата на акумулацијата има цијанобактерии и цијано токсини.   Во продолжение интегрално извештаите за анализата на водите од двете плажи, кои се дел од годишната програма за работа на ЦЈЗ.  

Градска плажа 

Во однос на микробиолошките индикатори е оценета ДОБРА, а по однос на физичко хемиските параметри одговара на 5-та класа присутна матност, 3-та класа по присуство на амонијак и сув остаток. По однос на останати испитани параметри е во 2-ра и 1-ва класа. ВАЖНО : од извршениот санитарно хигиенски увид на Езеро Младост се заклучува дека постои видлива пролиферација на алги и појава на пена и голема количина на биомаса-густи, пифтиести, сунѓерасти наслаги со жолто-кафеава боја кои покриваат значителен дел од крајбрежјето на акумулацијата. Водата НЕ СМЕЕ да се користи за капење и рекреација додека не се изврши испитување од стручна институција која ќе докаже дека во водата нема цијано бактерии и не содржи ЦИЈАНОТОКСИНИ

Плажа хотел Романтик 

По микробиолошките индикатори е оценета ДОБРА, а по однос на физичко хемиските параметри одговара на 5-та класа присутна матност, 3-та класа по присуство на амонијак и сув остаток. По однос на останати испитани параметри е во 2-ра и 1-ва класа. ВАЖНО : од извршениот санитарно -хигиенски увид на Езеро Младост се заклучува дека постои видлива пролиферација на алги и појава на пена и голема количина на биомаса-густи, пифтиести, сунѓерасти наслаги со жолто-кафеава боја кои покриваат значителен дел од крајбрежјето на акумулацијата. Водата НЕ СМЕЕ да се користи за капење и рекреација додека не се изврши испитување од стручна институција која ќе докаже дека во водата нема цијано бактерии и не содржи ЦИЈАНОТОКСИНИ.

Поврзани »