Некои од советниците на последната седница, на точката за јавна чистота,  побраа почесто да се врши чистење на Дервенскиот поток, кој се чисти четири пати годишно- април, јуни,август и ноември. 

Но поради тоа што дел од граѓаните  кои  живеат во тој дел, несовесно го фрлаат ѓубрето во него, тој лани е чистен дополнително уште четири пати. Но мал е ефектот од тоа. Колку комуналците да го чистат, Потокот е во подолг период нечист, отворен контејнер за смет.     

Имаме документација дека два дена по чистењето на Потокот е повторно нечист. Многу пари се трошат на неговото чистење, се ангажира механизација а пристапот не  е лесен. Не  е само доаѓањето на водата во потокот проблем, апелираме до граѓаните да не го користат за фрлање на смет. Често наоѓаме кеси и вреќи со комунален отпад . Парите во програмата се броени, не можеме неограничено да чистиме, со ограничени пари. Мора да има ред,    оти никаде нема да стасаме и за да не биде лоша слика, граѓаните треба сами да си ја подигнат свеста. Потокот само во краток период е чист - рече  Билјана Шуркова Манаскова, општински инспектор за животна средина, пред велешките советници. 

Поврзани »