Петар Печков
Објавено: понеделник, 18 мај 2026
Велешанката Ленче Андреевска заедно со колешките од ФК ПАОК е нов првак на Грција. Со високата победа од 0:4 на гостувањето во Атина над ФК Артомитос, тие го потврдија првото место , по што им беше врачен и пехарот за шампиони.
Таа премина во ФК ПАОК на почетокот на сезоната 2025/26, со цел клубот да стане првак на Грција.
Андреевска (33 год) игра на позицијата во средина и таа е член на македонската женска фудбалска репрезентација. Има играно и во Првата лига на Турција.
Андреевска осум пати го има освоено македонското првенство и четири пати Купот. Играла 10 сезони во највисокото клупско натпреварување, Лигата на шампионите на УЕФА за жени.
фото приватна архива
