Актерот Фаик Мефаилоски за улогата на Ерџан во претставата ,,Синиот портокал,, ја доби наградата за најдобра машка улога на Фестивалот на комедијата  „Гола месечина“ 2018, во Скопје. 

Меѓународното жири на 5-тиот Интернационален фестивал што се одржа од 18 до 24 јуни, во состав Иван Лео Лемо (претседател на жирито), Магдалена Ризова Черних (член) и Љупчо Петрушевски (член), одлучија наградата за машка ролја да му ја доделат на велешкиот актер. 

На Фестивалот учествуваа   шесте претстави  -три од Македонија и три од регионот. Претставата ,,Синиот портокал,, е  работена по текст на британскиот автор Џо Пенхол, во режија на Александар Ивановски  а освен Мефаилоски настапуваат Самоил Стојановски и Жарко Стефановски. 

Приказната во претставата е за двајца психијатари кои  лекуваат млад шизофрен пациент, кој го толкува Фаик како Ерџан и  се осврнува на расата, на менталната болест и британскиот живот во 20 век.  Наградата Гран при за најдобра претстава  на Фестивалот ,,Гола месечина,, се додели на „Једваносимсобоакаломистобо“ на „Сараевскиот воен театар – САРТР“, од  Босна и Херцеговина. Организатор на фестивалот е Театар Комедија и Општина Аеродром.   

Поврзани »