Петар Печков
Објавено: понеделник, 11 мај 2026
Следната недела 17 мај за прв пат во Велес ќе се одржи крводарителска акција во православен храм. Најавена е за црквата С. Кирил и Методиј, а во чест на празникот на двајцата сесловенски просветители Св. Кирил и Методиј, кој се одбележува на 24 мај. Терминот е од 9 до 14ч. во административните простории на црквата.
„Го повикуваме верниот народ од градот Велес, како и од целата Повардарска епархија, заедно со свештенството, да земе учество на оваа крводарителска акција, која придонесува за спасување човечки животи и зајакнување на јавното здравје“ -пишува во објавата на ФБ од страна на Повардарската епархија.
фото ФБ Св. Кирил и Методиј
