Петар Печков
Објавено: понеделник, 14 септември 2026
Четвртата проверка ова лето на водата од акумулацијата езеро Младост на две плажи, покажува дека е микробиолошки е одлична, а има полоши вредности во однос на физичко-хемиските параметри. Примероците се земени на 19 август, годинава а анлизата е извршена од страна нa стручни лица на Центарoт за јавно здравје Велес.
Анализираната мостра на вода од Езеро Младост на мерно место, плажа Романтик според микробиолошки индикатори е оценнета за одлична, а по однос на физичкохемиските параметри присуство на амонијак 4-та класа, 3-та класа по матност и сув остаток, а по однос на останати испитани параметри е во 2-ра и 1-ва класа.
Градска Плажа, по однос на микробиолошките индикатори е оценета одлична, а по однос на физичко-хемиските параметри одговара на 4-та класа присутна матност и по присуство на амонијак, 3-та класа по сув остаток, а по однос на останати испитани параметри е во 2-ра и 1-ва класа.
„Од извршениот санитарно-хигиенски увид на Езеро Младост се заклучува дека постои видлива пролиферација на алги и појава на пена и голема количина на биомаса-густи, пифтиести, сунѓерасти наслаги со жолто-кафеава боја кои покриваат значителен дел од крајбрежјето на акумулацијата. Водата не смее да се користи за капење и рекреација додека не се изврши испитување од стручна институција која ќе докаже дека во водата нема цијанобактерии и не содржи цијаноткосини“ – пишува во извештајот на Центарот за јавно здравје објавен на веб страницата на Општина Велес.
