Петар Печков
Објавено: вторник, 09 декември 2025
Пингпонгарите на ППК Борец ТИМ се есенски прваци во Првата лига. Тие забележаа девет поебди во девет кола и се на врвот во оваа конкуренција. Во последните две кола викендов, победија против екипите на Рисови и Берово 2 со по 4:1. Претходно се одиграа и три натпревари од претходниот викенд, каде повторно победи забележаа велешани, против Берово 1 со 4:2, против Пелистер исто со 4:2 и против Телеком НЕЦ со 4:0. Велешани се надмоќно први со само девет изгубени сета. Есенската титула ја освоија следните играчи -Вили Ангелов, Васко Манасијески и Христијан Јованов. Во екипата учинок земаа и јуниорите: Лука Стојанов, Матеј Стојанов и Димитар Николов.
Минатата година 2024, велешките пингпонгари играа бараж за влез во Супер лигата, но беа поразени.
ППК Борец на почетокот на 90-тите години неколку сезони беше член на најквалитетната Македонска пингпонгарска Прва лига. Тогаш за клубот нстапуваа Љупчо Попов, Димитар Карајанов и Зоран Јанков.
Првенството продолжува напролет. Лигата брои 10 екипи.
