Две победи во последните две кола  за футсал екипата на КМФ Кеги моби. Вечерва славеа во Скопје над екипата на КФМ Бутел кој е последно пласирана без победа и со три реми, со  5:6 (3:3).Претходно неделава го победија КМФ Железарец со убедливи 5:1, состав кој имаше три победи. Со овие 4 бода, велешани имаат 7 и се во долниот дел на табелата, во борбата за опстанок. Со ова 9 коло заврши есенскиот дел од првенството.  

Одбојкарите на Борец победија со максимален резултат 3:0 , против екипата на ОК Скопје во 12 коло. Гостите имат две победи и домаќините лесно стигнаа до победата. Во последното есенско коло, следната седмица играт во Струмица исто така против ниско пласираната екипа на ОК Македонија ЏИО, која има една победа. Велешани се трети на табелата од Првата лига со 26 бода.

Ракометapите на РК Бисинов  во  14 коло од Супер лигата, загубија  во Битола,  од шампионот РК Еурофарм Пелистер, со 45:31, иако првите 30 минути домаќините ги добија со само 21:19.  Велешани остануваат 10-ти од 12 екипи со 5 бодови. Во последното есенско коло, следниот  викенд играат дома со РК Пролет, кој е 8-ми со 11 бода.

Заврши есенската полусезона во Втората фудбалска лига. Велешки Борец ја заврши со пораз од 1:4 во Охрид од истоимената екипа, која имаше шест победи. Фудбалерите на Борец го ублажија високиот пораз во 83 минута кога Костадиновски постигна гол од пенал а претходно неговите соигрчи имаа две шанси за гол, но беа непрецизни. По ова 15 коло ФК Борец е претпоследен 15 со 5 бода, колку што има и последниот ФК Вардарски. Напролет  ги чека тешка борба за опстанок, бидејќи освен ФК Осогово кој е едно место погоре со 8 бода, сите други екипи имаат далеку повеќе.  Згора на тоа на 15 средби велешани постигнаа само 7 гола, или на секоја втора по еден, што е премалку за оваа конкуренција.

Поврзани »