Поставени се 10 нови гнезда за царските орли на далноводите во Овче Поле

Петар Печков

Во Овче Поле се поставени нови 10 гнездечки платформи за зачувување на царските орли во Македонија. Тој е финансиран од фондацијата „Rufford“ од Англија, од 2014 година го спроведува Здружението за зачувување на природата „Аквила“ од Кавадарци во соработка со АД- Мепсо и ЕВН- Македонија. Десетте  нови гнездечки платформи за царски орли се поставени на  далноводот  од кон Србија. Досега во два наврати во 2014 и 2016 година беа поставени четириесетина платформи и тоа на далноводот  од Велес кон Дуброво и далноводот  од Штип кон бугарската граница. 

Платформите се поставуваат во степскиот дел на Република Македонија односно во Овчеполието и во делови на Повардарјето, каде што живеат царските орли, кои се степски птици. Ваквата акција е неопходна затоа што царските орли се соочуваат со недостиг на погодни дрва за гнездење, па се почесто се одлучуваат да гнездат на далноводот. За жал речиси сите природни гнезда направени на  далноводот  се наоѓаат на централниот дел од столбната конзола директно над централниот проводник што во одредени случаи предизвикуваат исфрлање на дал далноводот  поради краток спој. Поставувањето на платформите за гнездење на соодветно место од конзолата каде што нема да има никакви пречки, трајно го решава проблемот и на птиците но и на дистрибуцијата на електрична енергија. Од досега поставените платформи пет се веќе заземени од царски орли, а три други од гаврани. Тоа е добар успех доколку се земе предвид дека царските орли се територијални птици и потребно е подолго време да се пополнат нови територии од новоформирани двојки или пак да се преселат постоечките двојки на нова територија. Во Македонија има околу 30 активни гнездечки двојки  и може да се рече дека сме лидер на Балканот во царските орли, по големина на територијата, каде што тие се наоѓаат  – објаснува Емануел Лисичанец од здружението „Аквила“ .  

Изработката на овие модифицирани гнезда е сложен процес, но  ќе придонесе за подобрување на условите за загнездување на царските орли во Македонија, а со тоа зачувување и зголемување на нивната популацијата.  Од 2012 година па досега во пет наврати АД МЕПСО  поставени 50 платформи за гнездење на царскиот орел.

loading...

Поврзани »

loading...

Ронтис вработува 20 оператори во производство

Швајцарската мултинационална компанија активна во областа на фармацијата и производство на медицински помагала РОНТИС, заради зголемување на својот постоечки капацитет во фабриката во Велес, има потреба да вработи:

20 (дваесет) Оператори во производство

Детали

Macedonian butterfly

Македонска пеперутка (Филигран од хартија) Уникатна врамена слика со македонски мотив. http://anicasoleva.com/Handmade/Product/macedonian-butterfly-paper-filigree-framed-picture

Posted by Anica Soleva - Уникатни подароци од хартија on Sunday, January 8, 2017


АКРЕДИТИВ ДООЕЛ
Друштво за сметководствени
услуги и финансиски консалтинг.
Тел: 071 390 738; 078 375 014
akreditiv14@gmail.com


АНКЕТА »

Дали ВАР технологијата воведена на ова СП во фудбал, придонесе тоа да биде поправедно?

  • да
  • не
  • не го следев СП
Резултати